ස්වාභිමානී: බතික් කලාව

ඉතා පැරණි ඉතිහාසයකට උරුමකම් කියන බතික් නිර්මාණ කලාව ඇරඹී ඇත්තේ ඊජිප්තුවෙනි.මෙය වසර 2000කටත් වඩා පැරණි අතර පර්සියානුවන්ද බතික් නිර්මාණවල නිරත වූ බව සඳහන්ය.ඊට අමතරව 07 වෙනි සියවසේ ජිවත් වූ චීන වැසියන්ද, ඉන්දියානුවන්ද, ජපනුන්ති සහ දකුණු ආසියානු වැසියන්ද බතික් නිර්මාණවල නිරත වූ බවට සාක්ෂි ලැබී ඇත.

ජාවා දුපත් වැසියන් අතරද මෙම කලාව සොබාදහමට අනුගතව පැවති බවට සාක්ෂි ඇති අතර ඔවුන් මෙම නිර්මාණ කර ඇත්තේ' උසස් පැලැන්තිය සඳහාය.අදටත් ඔවුන් මල්, පලතුරු , මාළු, සමනළයන්, කුරුල්ලන් ආදී රූප යොදමින් මෙම කර්මාන්තයේ රැඳී සිටී.ජාවා බතික් ලෙසින් ප්‍රචලිත වී ඇත්තේද මෙම කලාවමය.

ශ්‍රී ලංකේය බතික් කලාවටත් දීර්ඝ ඉතිහාසයක් ඇත.දේශීයව සොයාගත් කොළ, මුල්, ගස්වල ගෙඩි, පොතුවලින් සාදාගත් වර්ණ යොදා ගනිමින් ගල් ලෙන්වල ඇඳි චිත්‍ර එයට සාක්ෂි සපයයි.එම වර්ණ යොදාගෙන නූල් වර්ණ ගන්වා රෙදි විවීම කළ බවත් අපි දනිමු.කෙසේවෙතත්, අපේ පැරැන්නන් අතින් සුරැකී අද දක්වා පැවත එන අපේම බතික් කලාවක් ලංකේය අපට උරුමය.එහෙත්, එම කලාව හදාරන පිරිසේ අඩුවක් දැකිය හැකිය.මෙම කලාව සඳහා උපයෝගී කරගන්නා අමුද්‍රව්‍යවල මිළ ඉහල වීම එයට හේතුවක් විය හැකිය.නමුත්, එම කලාවට ආදරය කරන පිරිසක් ද අප අතර වේ.වෘතීයක් විදිහට ස්වයං රැකියාවක් විදිහට නිරත වුවහොත් ඉහල වෙළඳපොළක් හිමි මෙම කලාව ඔබේ අතමිට සරුකරනු ඇත.බතික් සඳහා හොඳ විදේශීය වෙළඳපොලක්ද ඇත.

බතික් නිර්මාණයේදී සපයාගත යුතු දේවල්

භූමිතෙල් ලිපක්

ඉටි උණු කර ගැනීමට ඇළුමිනියම් භාජන 02ක්

(මෙයින් එකක් කට ලොකු භාජනයක් විය යුතුය.අනෙක් භාජනය ඊට වඩා කුඩා විය යුතුය.ලොකු භාජනය වතුර උතුරවා ගැනීමට හා පොඩි භාජනය උණු වතුරට තබා ඉටි උණු කර ගැනීමටය.එනම්, ඩබල් බොයිල් කිරීමටය.)